一千零一夜之旅(17) – 綠鏡子陵墓

如果你見我之前介紹嘅粉紅色清真寺,已經覺得好靚,咁當你去到呢個綠鏡子陵墓嘅時候,就真係眼都大埋!唔係靚到嘩嘩聲,而係靚到嘩嘩嘩嘩聲!

名副其實,綠鏡子陵墓入面周圍都係綠色嘅,因為除咗有綠色嘅玻璃之外,四周圍都係鏡子,反光照耀之下恍似置身于閃閃生光嘅綠寶石之中咁。

入呢一間寺,你係必須要着佢哋所提供嘅長袍。於是我又成隻Q太郎咁喺度飄來飄去!

入到去真係目不暇給,由屋頂閃到落地下。而最特別嘅佢並唔只係一間公開俾人參觀嘅景點,佢係仲有人喺現場行敬拜禮嘅!咁佢係點拜嘅呢,就係用一粒圓圓地嘅石頭放喺地下然之後個額頭頂住佢嚟拜嘅,一邊參觀身邊又有人一邊參拜,確實係另一種氣氛!

 

#正文社旅遊書 #我是旅行嘉 #波斯之旅 #伊朗 #一千零一夜之旅 #一千零一夜 #文明古國 #綠鏡子陵墓