【 邊露營邊為寫書採訪  邊旅行 】 秋祭~岩手八幡平山賊祭 by 林二汪 L2營男營女

去旅行,碰到當地節日,瞬間變深度文化遊。咁樣好啱我地!

自上次為《日本露營全攻略- 北海道、東北篇》去北海道東北為露營書採訪,啱season 做埋「追楓遊🍁🍂」,仲可以去埋不同地方嘅「秋祭」。2個月嘅採訪時間,又想「#邊露邊採邊享受 」,行程不如一般編輯咁緊密,時而一日「掃」4個露營場,時而喺一個無邊際湖景露營場hea幾日,十分彈性!

書中的不少秋祭節日,都是無意中發現的「意外收穫」。例如當我們追楓追到日本東北岩手縣八幡平山看完紅葉後下山,遇上每年10上旬舉行的「#山賊祭 」(日:山賊まつり) ,諗起新奇又好味嘅道地美食已經流晒口水😋,幾趕都要入去!

大部份參加者都係「老友記」,代表夠地道,又有「平野買」,我們露營自己煮有新鮮道地食材最正!
舞台上有主打活動嘅民謠歌舞表演,台下又有好多美食攤位,最多人排隊嘅鄉土料理田楽焼,原自平安時期農民為豐收而祈禱的「田楽舞」, 之後演變成可以食嘅醬燒田楽焼鄉土小食「こむぎ田楽」麵粉餅團。
另一大排長龍嘅係大粒圓波波,山形必吃特産「玉こんにゃく」,用花枝湯加醬油滷的蒟蒻丸子,微鹹微甜。

最後一邊食味噌菜湯,一邊欣賞台上的傳統民謠歌舞表演,滿肚都係文化氣息 😊

#L2營男營女 #岩手八幡平 #山賊祭