《我是旅行嘉》- 英倫風情

曾經有一段時間喺香港好流行嘅龍蝦包,係由英國傳過嚟嘅。喺香港食如果真係食足全套$1000一個人閒閒哋,不過喺英國食都唔平嘅。

我一早風聞呢間餐廳雖然都有幾間分店,但係間間都好爆嘅,而且不設訂位,係要喺門口排隊,於是我又採取時間政策,就係盡量喺人哋要返工返學嘅非繁忙時間入座。

果然,我去到嘅時候間餐廳係冇乜人嘅,於是我就可以輕輕鬆鬆咁樣點餐同埋進食。佢嘅選擇並唔多一張紙睇晒, 而另一張紙就係睇飲品。

既然人哋個名係漢堡包同埋龍蝦,我哋就揀咗呢兩樣嘢,另外加多一個湯,並且同個侍應講我哋係share嘅,佢哋好好人呀,同你好清楚咁樣分兩份之餘, 薯條同埋蔬菜俾得好足,而碗湯仲大碗都好似係獨立一份咁添!

好好味啊!價錢都唔平,但係比起香港我覺得係好食同埋足料好多。

#正文社旅遊書 #我是旅行嘉 #英倫風情 #何嘉麗callmegaga #London #倫敦#BurgerAndLobster