《我是旅行嘉》- 中亞之旅蒙古國 (6)

《我是旅行嘉》- 中亞之旅蒙古國 (6)

正式開始南戈壁嘅行程,第一個景點就係尤恩河谷(Yolyn Am)Yolyn意思係禿鷹之嘴。全程大概行3公里,當日天氣好好,慢慢行3公里好舒服,不過行吓行吓嘅時候,就覺得自己好笨拙,因為左右隔離都好多人係騎馬去,真係非常之有型!

沿途青山綠水,漫山野花,亦都見到好多當地人用石頭搭起嚟嘅敖包(Ovoo),非常之有特色。但係如果要去呢一個河谷最吸引人嘅地方,就點都要濕下水嘅,所以最好着對防水鞋。

終於行到去呢個河谷最吸引人嘅地方嘞,可惜季節唔啱。如果初春嚟呢度,就會見到一個奇景啦,儘管天氣回暖,都依然係有冰河景觀,不過我去嘅時間,已經全面回暖,所以就睇唔到沙漠中嘅冰塊囉!

但係坐喺呢個河谷嘅盡頭四面俾峭壁圍繞,太陽曬唔到,都好舒服同埋清涼,影唔到冰塊,就點到要同激流嘅瀑布打個招呼啦。

 

#正文社旅遊書 #我是旅行嘉 #中亞之旅 #蒙古國

#成吉思汗 #Dalanzadgad #南戈壁 #尤恩河谷  #YolynAm  #VultureValley  #禿鷹之嘴  #敖包  #Ovoo