《我是旅行嘉》- 中亞之旅蒙古國 (4)

《我是旅行嘉》- 中亞之旅蒙古國 (4)

晨咁早就起身去搭飛機,飛去戈壁沙漠最大嘅城市Dalanzadgad。
六點半機,本來都幾沮喪,但係乘搭航空叫做匈奴航空(Hunnu Air),又覺得幾有霸氣,而且係螺旋槳機,心情特別興奮。

去到目的地Gurvan Shikhan Airport都八點鐘未夠。一出機場我哋嘅導遊同埋司機就喺度等緊我地啦。

其實尋晚係冇乜點瞓,三點就出機場,本來應該好攰,以我嘅性格,應該一上車就瞓,但係由機場去到蒙古包我都冇瞓過,因為沿途嘅一片又一片再一片嘅草原,真係一望無際,望到真係對眼都吸爆氧氣。

另外見到一群又一群羊,好興奮啊,司機都好識做,不停咁停落嚟俾我影相。係咁㗎啦,城市人嚟到大草原,見到草原又興奮,見到羊群又興奮,見到牛群又興奮,見到馬群又興奮,就算係見到一片旱地都好興奮㗎!嚟到你就明點解會咁興奮㗎喇。

#正文社旅遊書 #我是旅行嘉 #中亞之旅 #蒙古國 #成吉思汗 #匈奴航空#HunnuAir #螺旋槳 #Dalanzadgad #GurvanShikhanAirport