《我是旅行嘉》- 中亞之旅蒙古國 (3)

《我是旅行嘉》- 中亞之旅蒙古國 (3)

蒙古真係周圍都係成吉思汗。機場叫做成吉思汗之外,佢嘅首都烏蘭巴托市中心都有個成吉思汗廣場。

呢個廣場位於國家宮南邊,廣場中央就係革命英雄蘇赫巴托爾紀念碑,碑頂係佢騎馬嘅雕像。廣場東邊係國家古典藝術劇院同中央文化宮,西面係烏蘭巴托市政府同埋中央郵局。

廣場原名蘇赫巴托爾廣場,喺2013年被改為成吉思汗廣場。一入到廣場就見到大大個成吉思汗嘅銅像坐咗喺北面,不過當大家都集中注意力喺成吉思汗銅像嘅同時,唔好唔記得睇埋左邊同右邊嘅窩闊台汗同埋忽必烈汗呀。

呢個廣場離我住嘅酒店大概20分鐘路程,喺街上行走嘅時候,會有少少錯覺以為去咗德國,齊齊整整乾乾淨淨,而接近廣場嗰段路沿途都有啲餐廳仔,啲嘢都幾好食㗎。

#正文社旅遊書 #我是旅行嘉 #中亞之旅 #蒙古國 #蒙古航空 #烏蘭巴托 #成吉思汗 #成吉思汗廣場 #窩闊台汗 #忽必烈汗 #蘇赫巴托爾廣場