《我是旅行嘉》- 中亞之旅蒙古國 (28)

喺蒙古國,幾乎任何地方都會見到同成吉思汗有關嘅物件,不過真正具規模嘅只有一個,所以當返到烏蘭巴托之後,第一件事就係要去游一遊成吉思汗像。

呢個像真係非常之大,離遠就已經見到,咁實際有幾大呢,睇相就知。而其中最誇張嘅應該算係佢老人家嘅嗰隻靴!當然成吉思汗隻腳並冇咁大,只係當地人表示成吉思汗嘅威武,做咗隻咁大嘅靴。

其實呢個成吉思汗像周圍範圍都好大,外圍有啲蒙古包有啲馬隊(當然係雕像啦)之外,亦都有一個收費嘅展覽廳,展示牧民嘅生活,同埋少少歷史資料。行吓行吓,都幾個鐘,再加埋來回路程,都要成日㗎。

 

#正文社旅遊書 #我是旅行嘉 #中亞之旅 #蒙古國 #成吉思汗#StatueOfChanggisKhan #成吉思汗像 #成吉思汗隻靴