《我是旅行嘉》- 中亞之旅蒙古國 (27)

木倫真係一個非常細嘅小鎮,導遊安排咗我哋入一間類似國營賓館嘅酒店之後,就帶我地出外遊覽!可惜真係冇乜地方好行,行咗個冇乜嘢睇嘅木倫博物館,又行咗個超級市場,導遊已經唔知有乜嘢好俾我哋做,反而沿途見有好幾間咖啡店。因為坐咗喺機場成日都好悶下,又有啲肚餓,於是我話不如去咖啡室攤唞下先!只見導遊如釋重負!

餐牌無甚特別,叫咗個沙律、Pizza同埋一碟牛肉。Pizza正正常常,碟沙律就比較本地化,而果碟牛肉依然有蒙古牛獨有嘅嗰陣味道。算啦,填肚啫。

不過出外旅行其實任何時候,都會見到新事物。呢間咖啡室,雖然係咖啡室,但係入嚟嘅人,唔係個個飲咖啡,而絕大部份係飲啤酒,而飲啤酒嘅絕大部份係女性。

兩個女性飲一個Tower,毫不奇怪。我只夠膽偷影咋,佢哋咁大隻,單手都打暈我呀!

 

#正文社旅遊書 #我是旅行嘉 #中亞之旅 #蒙古國 #成吉思汗 #木倫一日遊#有啤酒有拳手 #當取消航班已經成為習慣