《我是旅行嘉》- 中亞之旅蒙古國 (26)

喺蒙古北面玩咗幾日之後,又係時間返番烏蘭巴托。回程嘅時候,司機比較有信心,所以已經冇好似去程咁開到烏龜咁慢。沿途我特別同一群又一群嘅羊講拜拜,因為返到烏蘭巴托之後就唔知幾時會再見到咁大群嘅羊

啦。仲記得第一次見到咁大群羊嘅時候,興奮到癲咗,要司機停車俾我影相,經過左十幾日之後,已經冇乜感覺,但係而家要返回城市,又好似好唔捨得咁樣。

司機將我哋送返去木倫機場,等待搭飛機返烏蘭巴托。每次同司機講拜拜佢都點吓點吓頭,似乎要送埋我哋上機先至走。後尾我就明啦,因為呢度嘅飛機成日都誤點或者係索性唔飛。冇錯,我今次就係後者,航班取消。等咗成大半日,真係幾粒鐘,佢至話俾我聽航班取消!當然係有啲嬲啦,但係你見周圍嘅人,好似好冇事咁就離開機場返屋企,而司機同導遊亦都好自然咁攞返我D行李放上車,你就知道佢哋真係好習慣!冇投訴,亦都冇索償!

後尾至知,原來佢哋係咁嘅,你可以取消,佢會全數俾番你,但係就無得投訴認冇得索償。咁我哋都冇說話好講,問導遊點啊,佢話唔緊要,明天我哋再黎過。

終於明白點解司機一直都唔走啦!其實佢都損失重大喎,因為我哋聽日至走,佢又要再車過我哋嚟。而導遊亦都好敏捷咁,就帶我哋入住一間酒店。

之後就喺木倫呢個冇乜嘢好行嘅地方,安排咗個一日遊,佢真係已經非常盡責啦。但係我就有一種無助嘅無奈囉!

 

#正文社旅遊書 #我是旅行嘉 #中亞之旅 #蒙古國 #成吉思汗 #木倫機場 #航班取消 #投訴索償 #木倫一日遊 #當取消航班已經成為習慣