《我是旅行嘉》- 中亞之旅蒙古國 (19)

今日開車返回烏蘭巴托,結束南戈壁部份的行程,開始庫蘇古勒湖(Khovsgol Lake)之旅。不過既然返到烏蘭巴托,又咁啱係星期日,所以就去咗烏蘭巴托嘅聖伯多祿聖保祿主教座堂,當然已經錯過咗彌撒時間,但係入去見識下都好嘅。

離市區唔遠,搭的士都係幾十蚊就到。外邊睇來尚算唐璜,但係入到去,就可見千瘡百孔,好多牆壁批蕩都已經剝落,畢竟而家蒙古只有幾百個天主教徒,要維持真係唔容易。

蒙古喺1922年建立咗第一個教區,但係冇幾耐因為政治原因,所有傳教活動全部終止。直至1991年蒙古民主化以後,天主教傳教士先重回蒙古,重建教堂。而我去嘅時候,仲有一位香港神父喺嗰度服務添。

去到聖堂嘅時候,其實教堂已經關門,不過好好彩遇上一位喺度油漆牆壁嘅工作人員,我懷疑佢係神職人員添,就開門俾我哋入去聖堂度睇。先至影到呢批相咋。

 

#正文社旅遊書 #我是旅行嘉 #中亞之旅 #蒙古國 #成吉思汗#Dalanzadgad #南戈壁 #大漠 #烏蘭巴托嘅聖伯多祿聖保祿主教座堂