《我是旅行嘉》- 中亞之旅蒙古國 (16)

《我是旅行嘉》- 中亞之旅蒙古國 (16)喺蒙古旅行,因為天氣同埋地理嘅關係,通常六點半已經食完飯,冇乜嘢做。其中一日我哋嘅導遊就同我地玩佢哋蒙古人好普遍嘅遊戲 - 擲距骨(Shagai)。擲距骨係用羊嘅後脛距骨做玩具,係歷史悠久嘅蒙古遊戲,亦都有用其他動物嘅距骨,但係因為蒙古嘅羊比較多,所以多數用羊骨。通常佢哋會為望上去差唔多;但係其實係有少少唔同嘅骨改名,分別有綿羊、馬、駱駝、同埋山羊。之後會將成盒嘅骨就咁隨手撒喺一張絨布上面,就開始玩啦。基本上係用手指彈骨射向同款嘅另一塊骨,(即係羊要射返羊, 馬要射返馬諸如此類,)射中咗就可以收起嗰塊骨,到最後骨數最多嘅人就勝出。呢個遊戲其實都幾好玩嘅。不過咁樣射法手指都幾痛。後來喺烏蘭巴托嘅餐廳枱上面,亦都見到枱面擺咗幾粒呢啲骨,原來係攞嚟作為占卜之用。#正文社旅遊書 #我是旅行嘉 #中亞之旅 #蒙古國 #成吉思汗 #Dalanzadgad #南戈壁 #大漠 #擲距骨 #Shagai

正文社旅遊書发布于 2019年3月7日周四

《我是旅行嘉》- 中亞之旅蒙古國 (16)

喺蒙古旅行,因為天氣同埋地理嘅關係,通常六點半已經食完飯,冇乜嘢做。其中一日我哋嘅導遊就同我地玩佢哋蒙古人好普遍嘅遊戲 – 擲距骨(Shagai)。

擲距骨係用羊嘅後脛距骨做玩具,係歷史悠久嘅蒙古遊戲,亦都有用其他動物嘅距骨,但係因為蒙古嘅羊比較多,所以多數用羊骨。

通常佢哋會為望上去差唔多;但係其實係有少少唔同嘅骨改名,分別有綿羊、馬、駱駝、同埋山羊。

之後會將成盒嘅骨就咁隨手撒喺一張絨布上面,就開始玩啦。基本上係用手指彈骨射向同款嘅另一塊骨,(即係羊要射返羊, 馬要射返馬諸如此類,)射中咗就可以收起嗰塊骨,到最後骨數最多嘅人就勝出。

呢個遊戲其實都幾好玩嘅。不過咁樣射法手指都幾痛。後來喺烏蘭巴托嘅餐廳枱上面,亦都見到枱面擺咗幾粒呢啲骨,原來係攞嚟作為占卜之用。

 

#正文社旅遊書 #我是旅行嘉 #中亞之旅 #蒙古國 #成吉思汗#Dalanzadgad #南戈壁 #大漠 #擲距骨 #Shagai