《我是旅行嘉》- 中亞之旅蒙古國 (15)

《我是旅行嘉》- 中亞之旅蒙古國 (15)

坐左六個半鐘頭車,終於嚟到哈拉和林(Karakorum),當年窩闊台一聲令下,咁樣喺1235至1260年間,佢就成為蒙古嘅首都。而家只剩下廢墟同埋一個新建嘅博物館,入邊展示咗蒙古嘅文化同埋佢哋東征西討嘅歷史。彪炳強悍又如何,到最後都敵不過中華文化嘅大熔爐。博物館就真係冇乜嘢好睇啦。

不過走冇幾遠就係額爾德尼召寺(Erdene Zuu Monastery),呢度係哈拉和林最重要嘅歷史建築遺產之一。

呢座寺院由108 座白色佛塔所圍成。每隔15公尺就有一座佛塔。寺內大小廟宇都有好幾間,有好幾個廟入面有人誦經,亦都見到好多年青僧侶出入,而嚟參拜嘅善信都唔少。

而圍牆外就有兩隻石龜(原本有四隻),象徵不朽嘅守護者!夕陽西下,遙望天地,睇見門外剩返果兩隻龜,你就明白不朽係幾咁可望而不可即!

 

#正文社旅遊書 #我是旅行嘉 #中亞之旅 #蒙古國 #成吉思汗#Dalanzadgad #南戈壁 #大漠 #哈拉和林 #KarakorumRuins #額爾德尼召寺 #ErdeneZuuMonastery