《我是旅行嘉》- 中亞之旅蒙古國 (11)

《我是旅行嘉》- 中亞之旅蒙古國 (11)

喺蒙古旅行,用咗最多嘅時間就係坐車,好多時候真係會一早起身坐幾個鐘頭車至去到一個目的地,今次佢呢個火焰崖(Flaming Cliffs)亦都唔例外。一聽到火焰以為好似西遊記嘅火焰山咁有長年不熄嘅火,其實唔係,不過感覺都好似。又有人以為係日落嘅時候夕照所產生嘅效果,亦都唔係,主要係泥土嘅原因。
你可以幻想一下喺黃沙萬里嘅沙漠,忽然間喺某一個角落有好大好大一堆紅色嘅泥土,所以啲人就叫佢做火焰崖。

而令佢變成旅遊點嘅原因就係因為喺呢度發現恐龍蛋化石,而其中仲包含有完整無損嘅恐龍胚胎。自20世紀20年喺火焰崖發現化石以來,已經挖掘出唔少聞名全世界嘅恐龍標本,其中包括白堊紀晚期嘅動物化石,包括原角龍、竊蛋龍同埋迅盜龍。
火焰崖入口兩旁都有一啲攤檔,喺度賣恐龍蛋!你信唔信係真嘅!我就唔信啦!

#正文社旅遊書 #我是旅行嘉 #中亞之旅 #蒙古國 #成吉思汗 #Dalanzadgad #南戈壁 #大漠 #火焰崖 #恐龍蛋 #白堊紀