《我是旅行嘉》- 中亞之旅蒙古國 (1)

《我是旅行嘉》- 中亞之旅蒙古國 (1)

由今個星期開始我會介紹我嘅蒙古之旅。我仍然記得當我話俾朋友聽我要去蒙古嘅時候,佢哋都話:哦,內蒙。我話唔係,係蒙古國。佢哋好似明好似唔明,跟住就話:果度係咪講普通話?我話唔係,佢有佢自己嘅語言,係一個獨立嘅國家,跟住朋友都仲係介乎於明與唔明之間。然後都我去完返嚟佢都係問:內蒙好唔好玩!

其實我今次去嘅係蒙古國,或者好多人鍾意叫佢做外蒙,不過其實佢位於俄羅斯與中國交接嘅地方,係一個獨立嘅國家。人口主要由蒙古人同埋哈薩克人所組成,官方語言係蒙古語,首都係烏蘭巴托。

蒙古帝國係1206年由成吉思汗建立,而蒙古國就係基於1992年嘅憲法而建立。不過喺蒙古人心目中,成吉思汗依然係佢哋嘅始祖,所以喺烏蘭巴托市中心,就四周圍都會見到成吉思汗嘅「蹤影」。

好啦,入閘,起飛。

#正文社旅遊書 #我是旅行嘉 #中亞之旅 #東亞 #蒙古國 #蒙古航空#MongolianAirlines #烏蘭巴托 #成吉思汗