《我是旅行嘉》- 中亞之旅吉爾吉斯坦 (9)

《我是旅行嘉》- 中亞之旅吉爾吉斯坦 (9)

比什開克雖然天氣好乾燥,亦都冇乜雨水,但係佢有成個雪山撐住,每到夏天雪山嘅雪溶化就變成佢嘅地下水,所以成個城市都充滿花草樹木,而其中以橡樹公園最為廣闊。

橡樹公園入邊嘅當地人,同我地其他地方嘅人一樣咁樣喺度享受陽光同埋新鮮空氣,而小朋友亦都好似任何地方嘅小朋友一樣都係鍾意圍住雪糕車。出發前被提醒要小心啊,當地人唔係好睬人㗎,點知去到都不知幾友善,有好多仲特登擺甫士俾我哋影相添。

行多一陣就到阿拉土廣場,當年曾經豎立一個列寧像,但係時移世易,列寧像已經被搬咗去一個不知名嘅小廣場,雕像附近嘅水池亦都變成小朋友嬉戲嘅地方,至於原有位置,就擺咗一個名為自由嘅雕像!衷心希望呢一個代表自由嘅雕像可以放得耐啲。

#正文社旅遊書 #我是旅行嘉 #中亞之旅 #吉爾吉斯坦 #俄羅斯嘅後花園 #比什開克 #阿拉土廣場
#橡樹公園