《我是旅行嘉》- 中亞之旅吉爾吉斯坦

去一個地方旅行,一定要行佢哋嘅市集或者街市,所以一抵達阿拉木圖,我哋就去佢嘅Bazzar嗰度行吓,咁就會比較了解民情。

入去Bazzar之前有人提示,千萬唔好影相呀。因為初到貴境,所以有啲戰戰兢兢,甚至將部手機收埋咗添,費事人哋以為我想影佢。

點知入到去啱啱就係賣果仁嗰一檔,個哥哥仔又靚仔,又不停咁叫我地試食,於是我順便問可唔可以拍照啊,點知佢二話不說成個人挨埋過嚟,嚇到我有少少想彈開添。

所以出外旅行,真係路在口邊,唔單止可以要嚟問人可唔可以影相,更加重要係問路啊。

呢個Bazzar非常乾淨齊整,分門別類:生肉一區、香了一區、乾果一區、生果一區、腌製食物一區。井井有條,雖然睇到眼花撩亂!全場最經典嘅都係醃雞冠!

其實我都有一刻有一個衝動想買一件試吓,但係諗嚟諗去,我都諗唔到點樣叫自己擘大個口去咬呢件雞冠,所以就決定放棄!

食過雞冠嘅,麻煩你話俾我聽有乜咁好食!

#正文社旅遊書 #我是旅行嘉 #中亞之旅 #吉爾吉斯坦 #比什凱克 #何嘉麗callmegaga #阿拉木圖 #哈薩克斯坦 #Bazzar