《我是旅行嘉》- 中亞之旅吉爾吉斯坦 (17)

《我是旅行嘉》- 中亞之旅吉爾吉斯坦 (17)

吉爾吉斯咁清新嘅空氣,梗係要行吓山啦。本來導遊安排咗我哋入住酒店就算,但係我哋見成個下晝流流長,坐喺酒店沖涼都唔可以沖咁耐㗎,而且天氣又咁好於是就走出去後邊山行下。雖然天氣乾燥,泥土比較鬆,所以如果前面嗰個人行路比較大力,你就真係食塵,但係可以遷就嘅,地方咁大,咪打橫行囉,唔一定要跟住人哋嘅步伐,自己尋找新路向都得嘅。

一出到去至知道真係好彩走咗出嚟,如果留喺酒店就傻瓜啦!因為空氣好清新。而且係一望無際嘅芒草同埋青蔥嘅山丘。山唔算太高但係天氣好一路行一路行唔覺唔覺就行到上頂。

沿途中仲會見到牧人真係騎住馬牧牛。行吓行吓又會有個牧羊人高興起上嚟表演馬背站立,呢個一定係奧運超難道動作。但係見佢做完一次有一次,好開心咁。可能平日真係冇乜觀眾,所以有我地幾個人佢已經好滿足。

行行吓日落啦就番酒店。你可能會問咁多草你唔驚咩,你唔係好怕蚊嘅咩?係呀,我好怕蚊架,但係呢度嘅好處就係冇蚊,真係一隻蚊都冇㗎,所以我咪特別享受呢個行山過程囉。

#正文社旅遊書 #我是旅行嘉 #中亞之旅 #吉爾吉斯坦 #俄羅斯嘅後花園