《我是旅行嘉》- 中亞之旅吉爾吉斯坦 (14)

《我是旅行嘉》- 中亞之旅吉爾吉斯坦 (14)

喺吉爾吉斯,睇嘅比較多係大自然景物,宏偉嘅建築物又或者係歷史悠久嘅景點唔多,不過佢都有一個被聯合國教科文組織協會(UNESCO)列入世界文化遺產World Heritage嘅古建築物,就係詩歌塔。

詩歌塔(Burana Tower),又譯布蘭那塔,位於吉爾吉斯坦楚河溪谷(Chon-Kemin)托克馬克市(Tokmok)西南15公里外嘅突厥遣址。建於10世紀至11世紀,呢座塔本來有成45公尺高,但係經歷過好幾次地震,特別係15世紀時候嘅大地震之後,佢嘅高度就減至現時嘅25公尺。

呢個塔係開放俾大家入去嘅,經過一條延綿嘅樓梯之後就會上到塔頂,望出去係一大片一大片一大片嘅平原。行過少少有一處相信曾經係古墓嘅地方。旁邊亦都有一個細細嘅博物館。

既然冇乜特別好睇,就不如同個塔玩下遊戲算啦。

#正文社旅遊書 #我是旅行嘉 #中亞之旅 #吉爾吉斯坦 #俄羅斯嘅後花園 #布蘭那塔 #BuranaTower #ChonKemin