《我是旅行嘉》- 中亞之旅吉爾吉斯坦 (11)

《我是旅行嘉》- 中亞之旅吉爾吉斯坦 (11)

今日嚟到卡拉科爾(Karakol),佢嘅意思係「黑色嘅湖」,係伊塞克湖州嘅首府,亦都係吉爾吉斯第四大城市,距離中國只有150公里。

喺呢度最出名嘅係東正教嘅木教堂,全間教堂係用木材建成。亦都只有當地咁乾燥嘅天氣,間教堂先至可以擺咁耐都唔發霉。

教堂雖然係木材做,但係顏色嘅配搭一啲都唔沉悶,座落喺翠綠嘅草原上,四周被幾個小小嘅花圃所包圍。

入到教堂左右兩邊都擺滿以講述基督宗教故事為主嘅聖像畫(Icon)。神秘而莊嚴。

呢間教堂好認真㗎,入去嘅女性,全部要包頭。入邊亦都唔准影相,所以只能夠提供外觀照片嘞。

#正文社旅遊書 #我是旅行嘉 #中亞之旅 #吉爾吉斯坦 #俄羅斯嘅後花園 #伊塞克湖 #卡拉科爾 #Karakol