《我是旅行嘉》- 一千零一夜之旅(8)地氈博物館

波斯地氈,舉世聞名,雖然而家係伊朗,但係總有啲傳統手藝遺傳落嚟嘅。咁所以一幅織得有返咁上下嘅伊朗地氈,都真係十萬八萬閒閒哋,更何況呢度係地氈博物館,佢所擺放嘅就係波斯年代所織成嘅地氈,更加係價值連城。

可惜地氈博物館係唔俾影相。我只可以將掛喺門口嘅幾幅地氈影出嚟俾大家睇吓,叫做聊表心意。希望由呢幾幅地氈,你都可以睇到波斯地氈優美細緻之處。

不過呢個地氈博物館,由入口已經非常有趣,右手邊係一間只有四度圍牆嘅建築物,門口就擺放左一對銅鞋,日照落嚟唔同嘅倒影都有唔同嘅趣味。而呢個地氈博物館本身亦都係非常之有格調嘅建築,傾斜嘅建築,唔單止吸引到我哋呢啲訪客,更加照顧到佢嘅長期住客,波斯貓,唔使俾太陽曬!

 

#正文社旅遊書 #我是旅行嘉 #波斯之旅 #伊朗 #一千零一夜之旅 #一千零一夜 #文明古國 #地氈博物館 #TheCarpetMuseumOfIran