《我是旅行嘉》- 一千零一夜之旅(6)古列斯坦皇宮

古列斯坦皇宮(Golestan Palace)解作「花之宮殿」,喺2013 年成為聯合國世界文化遺產。現存建築主要係1848-1896 年間嘅君主所建,喺巴列維王朝(Pahlavi, 1925-1979)係接見外賓嘅地方。

進入古列斯坦皇宮第一眼你就會見到美麗嘅皇宮倒影喺庭院嘅水池上面,特別精彩。雖然我哋去嘅時候皇宮嘅外牆裝修緊,但係你都可以想像到嗰種宏偉。再沿着花園走,沿途嘅牆壁上邊砌有唔同嘅馬賽克,嗰種強烈顏色嘅對比,同埋大小唔同嘅馬賽克拼湊出嚟千變萬化嘅圖案,真係令人嘆為觀止。就算有啲地方已經剝落,但係你仍然可以想像到佢喺鼎盛時期嘅嗰種氣派。

跟住再去其中某啲宮殿度走一走,你會驚嘆於佢哋對於水晶嘅利用,簡直係妙到毫癲,一間一間房,掛滿水晶,真係氣勢逼人!講都講唔到咁多,一齊睇相。

 

#正文社旅遊書 #我是旅行嘉 #波斯之旅 #伊朗 #一千零一夜之旅 #一千零一夜 #文明古國 #古列斯坦皇宮 #GolestanPalace #馬賽克#mosaic #水晶燈