《我是旅行嘉》- 一千零一夜之旅(3)伊朗的數目字

出外旅行,最基本要學幾句當地語言,例如多謝、唔該、幾多錢,而更加重要嘅就係學識睇價錢。去大部份地方旅行,睇價錢並唔係問題,因為一般都係用我哋學嘅阿拉伯數目字。

但係伊朗嘅數目字,真係自成一套,所以去到伊朗第一件事就係好似小學生咁,由1學起。唔係買嘢嘅時候連價錢都唔識睇,就唔係幾好。

我有個朋友佢係教數學嘅,佢話佢俾果10個伊朗數目字搞到頭都大埋,到最後離開伊朗嘅時候先至叫做搞清楚邊個打邊個。

不過我真係3分鐘唔使就睇通哂10個數目字,之後半日之內就記實晒十個數目字啦。

方法好簡單,首先你將啲數目字打橫嚟睇,你會發覺佢有幾個係好似我哋認識嘅阿拉伯數目字咁嘅,有咗個概念之後,出街就睇車牌,返酒店就睇日曆,練下練下咁跟住去買嘢就無往而不利啦。

 

#正文社旅遊書 #我是旅行嘉 #波斯之旅 #伊朗 #一千零一夜之旅 #一千零一夜 #文明古國 #伊朗的數目字