《我是旅行嘉》- 一千零一夜之旅(15)- 伊朗粉紅色清真寺

《我是旅行嘉》- 一千零一夜之旅(15)- 伊朗粉紅色清真寺

去伊朗旅行,其中一個最吸引人嘅地方就係佢色彩斑斕嘅清真寺,其中外號粉紅清真寺嘅莫克清真寺係第一號景點,之所以叫做粉紅色並唔係佢嘅外牆係粉紅色,而係指寺廟入邊色彩繽紛斑斕嘅瓷磚。另外仲有五彩繽紛嘅玻璃,陽光照過彩色玻璃射上波斯地氈上邊嘅顏色,特別夢幻,令人好似進入另一個世界咁。

不過呢個寺廟有一個唔好處,就係任何時候都人頭湧湧,初頭影嘅時候真係慘不忍睹,周圍都係人,後尾我提議排隊逐個影,佢哋又覺得呢個方法非常之文明,亦都可以自己佔據個空間… 1秒咁多,所以大家都跟得好足,我先至可以獨霸天下,影到幅獨照,而唔使同所有伊朗人一齊合照!哈哈!