《我是旅行嘉》- 一千零一夜之旅(12)伊朗新年

之前都講過我去伊朗旅行嘅時候,剛好遇上伊朗的新年,我們的2018年3月21號,就是他們的1397年1月1號。

遇上新年最特別嘅就係無論大小店舖都會有一張新年枱(New Year Table),枱上面擺放嘅真係一模七樣,即係枱上面會擺同樣嘅七種物品,不過大細同用料唔同啫。

咁究竟有邊七樣呢,包括蒜頭、醋、橄欖、蘋果、香草、甜布甸同埋麥米。另外亦都有鏡子、蠟燭,金幣、金魚、伊朗詩集、花等等。

初頭覺得好有趣,於是一見到就舉起手機拍照,但係當你影到第10日,真係室內室外、大大細細睇咗不下十幾廾款新年枱,確實有啲「新年枱疲倦」!

不過今日再一次諗返起呢張新年枱嘅時候,又都幾回味。其實都有少少似我哋過年咁,除咗有盆花之外都會有全盒同埋各種果品,都係寓意明年豐衣足食。

#正文社旅遊書 #我是旅行嘉 #波斯之旅 #伊朗 #一千零一夜之旅 #一千零一夜 #文明古國 #伊朗新年 #新年枱 #NewYearTable