《我是旅行嘉》- 一千零一夜之旅(10)自由紀念碑廣場

當日我去伊朗旅行嘅時候,咁啱碰上係佢哋嘅新年期間,所以好多地方都有特別安排。有一朝我哋就去參觀自由紀念碑廣場。去到廣場,遠遠就會見到一個白色嘅建築物,嗰個就係紀念碑嘞,不過因為係新年,廣場嘅中心係封鎖咗唔俾入去嘅,外圍都係警察同警車同埋軍人同埋軍車。仲指手劃腳唔俾我哋影警察同埋軍人啲相。

就咁望落去好似幾得人驚!心諗係咁意睇吓同埋離遠拍個照,叫做到此一遊就算,反正所有自由紀念碑,所背負着的都是不自由的故事。但係當你望下啲警察,見佢哋都幾靚仔,又同佢哋打招呼嘅時候,其實佢哋都會報以微笑嘅。

後尾佢見我哋一個二個企咗喺度,傻更更咁,就好友善咁行埋嚟同我地打招呼,之後仲送咗一包水俾我哋添。

其實D警察都好友善嘅,各為其主,堅守崗位啫。

#正文社旅遊書 #我是旅行嘉 #波斯之旅 #伊朗 #一千零一夜之旅 #一千零一夜 #文明古國 #自由紀念碑廣場 #伊朗警察